מאונטעין קאר. רוט 208 אפדעיט

די או. ענד אר. פירמע האט דערווייל נישט אנגעהויבן די ארבעט מיטן רוקן די שטאנגען מחמת פארשידענע ביוראקראטישע תירוצים אזוי ווי זענען גוט באקאנט. עס הייסט אצינד אז די ארבעט וועט "האפנטליך" געטון ווערן נעקסטע וואך.

דער ווילעזדש פראגרעסירט דערווייל מיטן פראיעקט, נעכטן דינסטאג איז פארגעקומען א פרי-קאנסטרוקציע מיטינג אויפן ארט מיט די סטעיט די. או. טי. און מיט די אינזשענירן און בעלי מלאכה איבערצוגיין די ענדגילטיגע דעטאלן פונעם פראיעקט.

די די. או. טי. מיטהאלטנדיג די שפעטיגונגען פון או. ענד אר. האט אויפן ארט געגעבן ערלויבעניש אנצוהייבן די ארבעט "בעפאר" די שטאנגען ווערן גערוקט.

צוליב די רעסטריקציעס פון די די. או. טי וואס ערלויבט נישט צו ארבעטן אויף סטעיט ראודס דורכאויס די חגאות סעזאן צו האלטן דעם טראפיק פלוס, הייסט אצינד אז די ארבעט וועט זיך בעזרת השם יתברך אנהייבן אנהייבן יאנואר.

סי-די-אר-סי גיבט גרינעם ליכט פאר קימפעטארין היים דקהל יטב לב דסאטמאר

דער גראנדיעזער קימפעטארין היים איז געפלאנט געבויעט צו ווערן אויפן גרויסן שטח וואס די קהילה האט אפגעקויפט אויף פעדלער הילל ראוד, דער מאסיווער קאמפלעקס נעמט אויך אריין צוויי קלענערע שמחה זאלן.

דער סייט פלען שטעלט פאר א געביידע פון ארום 66 טויזנט סקווער-פיס, אויף צוויי שטאקן, ווי אויך 150 פארקינג ערטער פאר באזוכער און שטאב, אויסגעשפרייט אויף זיבן אקער לאנד.

דער פראיעקט ווערט געפירט דורך די אלעמען באקאנטע "ליוולענד גרופע" וואס זענען ברייט באקאנט מיט זייער עקפערטיז צו בויען גרעסערע פראיעקטן מיט בליציגע שנעלקייט.

די "ליוולענד גרופע" איז שוין היינט א ברענד נעים דאהי, ווי דער עולם האלט מיט טעגליך די פארשריט ביים "איילענד טיים שאפינג צענטער" פראיעקט, וואס ווערט געבויעט דורך די גרופע אויף ראוט 208.

דער קימפעטארין היים פראיעקט שפאנט אצינד ווייטער צום קומענדיגער שטאפל צום ווילעדזש פלענינג באורד ווי עס ווערט ערווארטעט דער ענדגילטיגער סייט פלען עפראוועל ביז עטליכע חדשים.