על פי פקודת רבני העיר און נאך די ברייט-באקאנטע קול קורא וואס איז געווארן ארויסגעלייגט נעכטן דאנערשטאג, אונטערגעשריבן דורך די רבני העיר, ווערט פארלאנגט מהיום והלאה פון אלע פראפערטי אייגענטומער, קאנטראקטערס און סוב-קאנטראקטערס זיכער צו מאכן אז סיי וואספארא קאנסטרוקציע ארבעט שטעלט זיך גענצליך אפ, און די ארבעטערס טוען פארלאזן און פארשפארן די סייטס לכה״פ צוויי שעה פאר זמן הדלה"נ.

אין צוגאב צו דעם, אזויווי פרייטאג נאכמיטאג איז פארהאן א שווערערע טראפיק, ווי דער ציבור איז מער שכיח אויף די גאסן און די קאנסטרוקציע טוט שטערן די באקוועמליכקייט פון די שטאטישע איינוואוינער, וועט דאס אויך ווערן אינפארסירט דורך די ווילעדזש ״קאוד אינפארסמענט״ אונטער די ״קוואליטי אוו לייף״ איניציאטיוו.

ובזכות שמירת שבת, נזכה לנחלה בלי מצרים, שמירה עליונה, שפע ברכה והצלחה וסייעתא דשמיא ברוחניות ובגשמיות בכלליות ובפרטיות.

ובשם ד׳ נעשה ונצליח!

שבת שלום ומבורך!